Израиль Газа секторына шабуылдарын күшейтті

Израиль Газа секторына шабуылдарын күшейтіп, босқындар үшін гуманитарлық дәлізді 4 сағатқа ашты, - деп хабарлайды Arbat.media.

Халықаралық ұйымдар тез арада атысты тоқтатуды талап етуде

Израиль армиясы (IDF) БҰҰ мен бірқатар халықаралық ұйымдардың Газа секторында тез арада атысты тоқтату туралы үндеулері аясында палестиналық Хамас лаңкестік тобының нысандарына шабуылдарын күшейтті.

Израиль армиясының өкілі Джонатан Конрикус Израиль армиясының басты назары жер астындағы туннельдердегі Хамас инфрақұрылымына бағытталғанын "Біз құрлықтағы күштерді - жаяу әскерлерді, танктерді, әскери техниканы қатыстырдық. Біз әуеден де соққы беріп, оқ жаудырамыз" деді.

Израиль армиясының баспасөз хатшысы Авичай Адрайдың айтуынша, Израиль бүгін бейбіт тұрғындар үшін уақытша жол ашты.

«Хамас лаңкестері жалғасып жатқан гуманитарлық күш-жігерге зиянын тигізіп, газалықтарды тірі қалқан ретінде пайдаланса да, Израиль армиясы бүгін Салах ад-Дин жолымен Израильге гуманитарлық өтуге рұқсат береді», - деп жазды ол X әлеуметтік желіде араб тілінде.

Хамастың бақылауындағы денсаулық сақтау министрлігі Газа секторында мыңдаған балалар мен әйелдерді қоса алғанда, 9770-тен астам адам қаза тапты.

Бұл деректерді тәуелсіз көздерден растау мүмкін емес.