Нетаньяху соңына дейін күресуге дайын екенін мәлімдеді

«Қажет болса, қолмен де күресіп, жеңеміз», - деп, Нетаньяху АҚШ-қа жауап берді. Израиль премьер-министрі Биньямин Нетаньяху израильдіктердің аймақтағы қарсыластарымен соңына дейін күресуге дайын екенін мәлімдеді, - деп хабарлайды Arbat.media.

«Егер біз өзіміз үшін жалғыз тұруымыз керек болса, онда біз өзіміз үшін жалғыз боламыз», - деді ол азаматтарға арнаған бейне үндеуінде.

Бұған дейін АҚШ президенті Джо Байден Израильді Газа секторының басқа аудандарында соғыстан қашқан миллионнан астам босқын жинаған Палестинаның Рафах қаласында ауқымды әскери операция бастаса, әскери жеткізілімдерін азайтамыз деп се көрсеткен.

"Бұл қару-жарақ жеткізуге әсер етеді. Үлкен басып кіру үшін қару болмайды", - деді Байден CNN арнасына берген сұхбатында.

Жауап ретінде Нетаньяху 1948 жылғы Израильдің тәуелсіздік соғысын еске алды.

Израиль премьер-министрі: «76 жыл бұрын тәуелсіздік соғысында бізде қару жоқ еді, тіпті Израильге қарсы қару эмбаргосы болды, бірақ біз бәрібір жеңдік», - деді.