Париж Олимпиадасы: Ресей спортшылары туралы
Париж Олимпиадасына Ресейден 15 спортшы қатысады - бұл ел үшін рекордтық төмен көрсеткіш. Салыстыру үшін: үш жыл бұрын Токиодағы ойындарға Ресей Федерациясының атынан 330 спортшы қатысқан болатын. Ресейліктер теннис, велоспорт, байдарка, каноэ, суда жүзу және батут жарыстарында бейтарап тудың астында өнер көрсетеді. Ең көбі - теннисшілер (7), сондай-ақ бір жүзуші, бір батутта секіруші және үш есушілер мен велосипедшілер, - деп хабарлайды Arbat.media.
Ресей Беларусьтің қолдауымен Украинаға қарсы жүргізіп жатқан соғысқа байланысты Халықаралық Олимпиада комитеті (ХОК) бірқатар шектеулермен Ресей Федерациясы мен Беларусь спортшыларына рұқсат берді. Қатысу құқығын жеке спорт түрлерінің өкілдері ғана алды. Ашылу салтанаты ұлттық құрамаларға арналғандықтан, олар ашылу шеруіне қатыспайды.
Жеңіске жеткен жағдайда Ресей Федерациясы мен Беларусь елінің жүлдегерлері үшін жасыл-ақ жалау көтеріледі, онда «Жеке бейтарап спортшы» деп жазылған. Арнайы құрастырылған әнұран ойналады - мемлекеттік рәміздер мен туды көрсетуге тыйым салынады. Медальдық есепте ресейліктер мен белорустардың жеңістері есепке алынбайды.
Украина Парижге 140 спортшысын жіберді. Украинаның спорт билігі олардан ресейліктермен бірге суретке түсуден бас тартуды сұрады, сондай-ақ халықаралық спорт федерацияларымен украиндық спортшылар Париждегі Олимпиада ойындарында ресейліктерді қарсы алмайды деп келісті.
