Reuters: Израиль Сириядағы әскери орталыққа соққы берді

Израиль Сириядағы әскери орталыққа соққы берді. Шабуылдан кем дегенде 14 адам қаза тапты, деп хабарлайды Сирия мемлекеттік БАҚ. Израиль әскері 8 қыркүйек күні кешке Хама қаласының маңындағы елді мекендерге көптеген соққы жасады, - деп хабарлайды Arbat.media.

Израиль шабуылының нысанасы химиялық қару жасалып жатқан ірі әскери зерттеу орталығы болды, деп хабарлайды Reuters ақпарат көздері.

Олардың айтуынша, сол орталықта Ираннан қару-жарақ жасаумен айналысатын бір топ мамандар жұмыс істейді.

Израильдің соққылары екі өртке себеп болды, деп хабарлайды сириялық БАҚ.

Әзірге Израиль тарапынан ешқандай түсініктеме болған жоқ.

Израиль Газа секторында Хамас лаңкестік тобына қарсы әскери операция бастағаннан кейін Сириядағы Иран қолдайтын қарулы топтарға қарсы соққыларын күшейтті.