Алматы зираттарында вандализм, ұрлық көбейген
Алматының Кеңсай-1 және Кеңсай-2 зираттарында бірнеше рет ғұрыпқа керек-жарақтар, қоршаулар, мәрмәр ескерткіштер мен жиектастар ұрланған, - деп хабарлайды Arbat.media.
Бұл туралы Алматы әкімдігінің баспасөз қызметі мәлім етті.
Вандализм, ғұрыптық керек-жарақтарды, қоршауларды, мәрмәр ескерткіштер мен жиектастар «Кеңсай-1» және «Кеңсай-2» зираттарында ұрланатынын хабарлаймыз. Қалған зираттарда мұндай фактілер бірді-екілі ғана немесе мүлде тіркелмеген. Зират қызметкерлері бірнеше рет ұрлықтың жолын кесіп, қылмыскерді ұстап, полиция қызметкерлеріне тапсырды.
Медеу ауданының полиция басқармасы жанындағы полиция бөлімінің мәліметінше, жыл басынан бері «Кеңсай» зиратында ұрлық жасады, яғни ҚР ҚК 188-бабы бойынша бөтеннің мүлкін ұрлады деген күдікпен үш адам ұсталған.
Ұрлықшының затын сатып алушы да ұсталып, қылмыстық жауапқа тартылды, жедел іс-шаралар көрсеткендей, ол қылмыстық жолмен алынғанын біле тұра қаскүнемнің зираттан алынған мүлкін үнемі сатып алып отырған. Оның іс-әрекеті ҚР ҚК 196-бабы 2-тармағы бойынша сараланған. Сонымен қатар, былтыр Алматы полицейлері «Кеңсай» зиратында бірқатар ұрлық жасады деген күдікпен екі ер адамды ұстаған. 1989 жылы туған К. есімді және 1995 жылы туған А. есімді азаматтар 20 рет ұрлық жасаған. Сол кезде ұрланған мүлікті сатып алушы да қолға түсті, ол 1988 жылы туған Т. есімді азамат қаскүнемдерден шойын қоршауларды сатып алып отырған.
«Мамандандырылған салттық қызмет көрсету комбинаты» ЖШС (ары қарай - серіктестік) «Жерлеудің және зираттарды қарап-күту жөніндегі істі ұйымдастыру қағидаларына» сәйкес, қала зираттарын күтіп-ұстау (аумақты жинау, қоқыс пен қарды шығару, ағаштар мен бұталарды санитарлық мақсатта кесу және жалпыға ортақ пайдаланылатын аумақта құлату) бойынша қызмет көрсетеді.
Алматы мәслихатының 2022 жылғы 8 маусымдағы №139 және ҚР БК шешімімен бекітілген 3.02-141-2014 «Зираттарды жобалау және күтіп ұстау» ережесінің 15.3.5 тармағы бойынша жерлеуге бөлінген учаскенің шекарасындағы бейіт құрылысы - туыстарының немесе оларды құрған мекемелердің меншігі болып табылады. Демек, серіктестік мүліктің (қабір үстіндегі құрылыстар, қоршаулар) сақталуына жауап бермейді.
Алматы қаласы Жетісу ауданы әкімінің аппараты жерлеу орындарын күтіп-ұстау (аумақты санитарлық тазарту, қоқыс пен қарды шығару, жалпы пайдалану аумағында ағаштар мен бұталарды санитарлық мақсатты кесу, құлату) және зираттарды күзету жөніндегі бюджеттік бағдарламаның әкімшісі болып табылады. «МСҚКК» ЖШС жыл сайын Жетісу ауданы әкімінің аппараты өткізетін конкурстық негізде мемлекеттік сатып алу шартына сәйкес қызмет көрсетеді. Жетісу ауданы әкімінің аппараты жылда жерлеу орындарын күзетуге конкурс өткізеді. Зираттарды күзетуде жеке күзет агенттігі қызмет көрсетеді. 2023 жылы «Star Wolf Security» ЖШС күзет қызметін көрсетіп келеді. Күзетке бөлінген қаражат жоғарыда аталған зираттарға екі бекеттен ғана есептелген.
Қорғалатын нысандардың жалпы ауданы 197,2 гектар болғандықтан, қорғалатын нысанның барлығыны бақылауда ұстау мүмкін емес. Жоғарыда аталған жайттарға қарамастан, зираттар мен күзет ұйымының қызметкерлері талай рет ұрлық-қарлықтың жолын кесіп, қылмыскерлер ұсталып, полиция қызметкерлеріне берілді. Әкім аппараты 2024 жылы зираттарды күзету үшін қосымша күзет бекеттерін қосу және түнгі уақытта зираттар ішінде патрульдеу үшін қаржыландыруды көбейтуді жоспарлап отыр. Сонымен қатар, Алматы қаласы Жетісу ауданы әкімінің аппараты биыл бейнемониторинг жүйелерінің желісін кеңейту жобасы аясында зираттар аумағында бейнебақылау камераларын орнатуға Алматы қаласы цифрландыру басқармасына өтінім жолдады.
СВМ-6000» жобасы бойынша Жетісу ауданында қосымша 750 камера орнату көзделген, оның ішінде Кеңсай-1, Кеңсай-2 зираттары бар. Жұмыс 2023 жылдың соңына дейін аяқталады деп жоспарланған. 2024 жылы «Халық қатысатын бюджет» бағдарламасы аясында Жетісу ауданындағы зираттардың периметрі бойынша жалпы ұзындығы 3 шақырым қоршауларға (Райымбек даңғылындағы орталық бейіт, Рысқұлов даңғылы мен Кемел шағын ауданы, Жолымбет көшесіндегі зират) ағымдағы жөндеу жұмыстары жоспарланған.
