Ақтөбеде жол апатында екі адам тірідей жанып кетті
Ақтөбе маңында жүк және жеңіл көлік соқтығысты, - деп хабарлайды Arbat.media.
Жеңіл көлік ішіндегі жүргізуші мен жолаушы жанып кетті. Жол апаты Ақтөбе-Богословка тасжолында болды.
Сағат 17:30-да Бауырластар тұрғын алабының маңында Toyota Estima автокөлігі жүк автокөлігімен соқтығысып, жеңіл көлік өртеніп кетті.
- Toyota Estima жүргізушісі мен жолаушысы оқиға орнында қаза тапты. Жол-көлік оқиғасы фактісі бойынша сотқа дейінгі тергеу басталды. Полиция департаменті көлік жүргізушілерін жол ережелерін қатаң сақтауға шақырады, - деп хабарлады облыстық ПД баспасөз қызметінің жетекшісі Ерболат Сарқұлов.
Жол-көлік апаты кезінде жанып кеткен жүргізушінің жасы мен ұлтын анықтау мүмкін болмаған.
Олар жедел жәрдем жеткенше көз жұмған. Ал жүк көлігінің 51 жастағы жүргізушісі медициналық көмекті қажет етпеген.
