Бұрынғы математика мұғалімі жантүршігерлік іске барған

Бұрынғы математика мұғалімі синтетикалық есірткі тасымалдады деген күдікке ілінді, деп хабарлайды Arbat.media.

Ішкі істер министрлігінің мәліметінше, экс-мұғалім Қостанай – Семей бағыты бойынша есірткі тасымалдағаү.

«Ұсталған адамның есірткі заттарын тасымалдағаны анықталды. Курьер бұрынғы математика мұғалімі болып шықты», - деді ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.

Күдікті Талапкер ауылының жанындағы трассада қызметтік иттің көмегімен ұсталды. Көліктің артқы орындығындағы сөмке ішінен салмағы 1 кг болатын мефедрон пакеті табылды.

Күдікті ұсталып, уақытша ұстау изоляторына қамалды.