Министр балаларды қызылшаға қарсы вакциналауға шақырды

Денсаулық сақтау министрі Ажар Ғиният бүгін барлық қазақстандық ата-аналарға балаларын қызылшаға қарсы уақтылы вакцинациялауға шақырды, - деп хабарлайды Arbat.media.

«Бүгін немерем екеуміз қызылшаға қарсы екпе алу үшін қалалық емханаға келдік. Қазақстанда эпидемиологиялық жағдайдың нашарлауы қыркүйек айынан бастап байқалды, балалар ұзақ уақыт жабық үй-жайларда өткізетін мектепке барды», - деді министр.

Ол бұл инфекцияның әсіресе жұқпалы екенін, жөтелгенде, түшкіргенде ауа тамшылары арқылы тез берілетінін атап өтті.

«Соңғы екі айда бұл аурудың күрт өскен, 13 мыңнан астам адам ауырып қалды, оның 83%-ы негізінен 5 жасқа дейінгі балалар, егілмеген ересектер де бар», деді ол. 

Бұл жағдайда науқастардың 70%-ы егілмеген балалар.

«Олардың көпшілігі, яғни 60%-ы вакцинациялаудан бас тартуға байланысты егілмегендер, медициналық қарсы көрсетілімдерге байланысты 18% егілмегендер, 22% егу жасына жетпегендер. Бүгінгі таңда барлығы 2013 бала, оның ішінде 30 бала ауыр жағдайда емдеуге жатқызылды», - деді министр.

А.Ғинияттың айтуынша, қызылшамен сырқаттанушылықтың өсуі аясында қосымша иммундау жүргізу туралы шешім қабылданды. Ол қаңтар айының соңына дейін созылады, вакцина жеткілікті.