Перизат Қайрат пен анасының жаңадан ашылған былығы елдің жағасын ұстатты

Қаржылық мониторинг агенттігі Перизат Қайрат пен анасы Ғайни Алашбаеваның алаяқтық әрекеттерін әшкереледі, деп хабарлайды Arbat.media.

Ресми дерек бойынша, олар 2021-2024 жылдары халықтан жиналған 3,5 млрд теңгені жеке мақсаттарға жұмсаған.

72 млн теңге “Солтүстік Қазақстан облысындағы зардап шеккендерге тұрмыстық техника алу” деген желеумен Ғайни Алашбаеваның шотына аударылып, кейін қолма-қол ақшаға айналдырылған.

6,9 млн теңге элиталық Rolex сағатын сатып алуға жұмсалған.

2024 жылдың қаңтарында Палестинаға көмек ретінде жиналған қаражаттың бір бөлігі “Rebel flowers” гүл бизнесін сатып алуға пайдаланылған. Компанияны сатып алу құны 23 млн теңге болғанымен, келісімшартта бұл сома 2 млн теңгеге төмендетіліп көрсетілген. Кейін бұл бизнес 69 млн теңге табыс әкелген.

Ұрланған қаржыға 4 автокөлік, 4 пәтер, 2 автотұрақ орны, үй, жер телімі және коммерциялық нысан сатып алынған.

Жалпы құны 158 млн теңге болатын зергерлік бұйымдар, аяқ киімдер мен сөмкелер тәркіленді.

865 млн теңге көлеміндегі заңсыз жолмен алынған мүлікке тыйым салынды.