Қарттар үйінде өрт шықты: 20 адам қаза болды

Қытайдың солтүстігіндегі Хэбэй провинциясындағы қарттар үйінен өрт шығып, 20 адам қаза тапты, деп хабарлайды Arbat.media Malim.kz сайтына сілтеме жасап.

Синьхуа агенттігінің мәліметінше, өрт сейсенбіде кешкі сағат 21:00 шамасында Чэндэ штатындағы Лонхуа округінде тұтанған.

Жергілікті биліктің мәліметінше, өрт кезінде ғимаратта 39 қарт адам болған.

"Өрт шамамен сағат 23:00-де сөндірілді. Сәрсенбіде таңғы сағат 3.00-тегі жағдай бойынша 20 адамның қаза болғаны расталды. Қалған 19 адам медициналық бақылаудан өту үшін ауруханаға жеткізілді", - делінген хабарламада.

Қазір қарттар үйіне жауапты тұлға полиция бақылауына алынды. Қайғылы оқиғаның себептерін анықтау жалғасып жатыр.