Қасым-Жомарт Тоқаев Владимир Путинмен алдағы кездесуі туралы айтты

Ресейлік  «Известия» газетіне сұхбат берген Қасым-Жомарт Тоқаев Ресей Президенті Владимир Путинмен Астанада өтетін кездесуінде талқыланатын күн тәртібіндегі мәселелер ауқымды екенін атап өтті, - деп хабарлайды Arbat.media.

Бұл туралы Kazinform агенттігі хабарлайды. 

«Біз екіжақты саяси, сауда-экономикалық, мәдени-гуманитарлық серіктестікті егжей-тегжейлі талқылауды жоспарлап отырмыз. Халықаралық ұйымдар мен интеграциялық құрылымдар аясында өзара әрекет ету аспектілерін қарастырамыз. Қазіргі ахуал, халықаралық жағдайды дамыту негіздері туралы пікір алмасамыз. Бағдарламаның тағы бір бөлігі – Өңіраралық ынтымақтастық форумына қатысу. Бұл – екі елдің аймақтары мен кәсіпкерлері арасындағы байланысты нығайтуға септігін тигізетін ерекше әрі тиімді формат. Биыл біз Қостанай қаласында форумды 19-шы рет өткіземіз. Іс-шара тақырыбы – ауыл шаруашылығы саласындағы серіктестік. Ресей Президентінің Қазақстанға сапары мен форум сәтті және жемісті болатынына сенімдімін», - деп атап өтті Қасым-Жомарт Тоқаев.