QazaqGaz бен «Газпром» Қазақстан арқылы табиғи газ транзиті туралы келісім жасасты
QazaqGaz ҰК АҚ басқарма төрағасы Санжар Жаркешов және «Газпром» ЖАҚ басқарма төрағасы Алексей Миллер ресейлік табиғи газды Қазақстан аумағы арқылы Өзбекстан мен Қырғызстанға 2040 жылдың соңына дейін тасымалдауды ұйымдастыру туралы шарттарға қол қойды, - деп хабарлайды Arbat.media.
Құжаттарға Петербург халықаралық экономикалық форумы аясында ҚР премьер-министрінің бірінші орынбасары Роман Склярдың қатысуымен қол қойылды.
Бұдан бөлек, Роман Скляр мен Алексей Миллер «Орта Азия – Орталық IV» магистральдық газ құбырын Ресей газын Өзбекстанға тасымалдауды ұлғайтуға дайындау жөніндегі іс-шаралар жоспарына қол қойды.
Бұл жобалар Қазақстанның газ тасымалдау жүйесінің транзиттік әлеуетін кеңейтуге және республиканың газ саласы үшін экономикалық пайданы ұлғайтуға мүмкіндік береді.
Сондай-ақ өңірлік энергетикалық қауіпсіздікті нығайтуға айтарлықтай үлес қосады.
Петербург халықаралық экономикалық форумы аясында Қазақстан Республикасы Премьер-Министрінің бірінші орынбасары Роман Скляр РФ Үкіметі Төрағасының бірінші орынбасары Денис Мантуровпен кездесу өткізді.
Тараптар екіжақты өзекті өзара іс-қимыл мәселелерін және өнеркәсіптік кооперация бойынша бірлескен жобалардың іске асырылу барысын қарастырды.
Роман Скляр ҚР мен РФ арасындағы 2019 жылы қол қойылған өнеркәсіп саласындағы бес жылдық мерзімге бірлескен іс-қимыл бағдарламасының Жол картасының маңыздылығын атап өтті. Бұл екі елдің өнеркәсіптік жобалар портфелін айтарлықтай арттыруға мүмкіндік берді.
Петербург халықаралық экономикалық форумы аясында ҚР Премьер-Министрінің бірінші орынбасары Роман Скляр РФ Үкіметі Төрағасының орынбасары Александр Новакпен кездесті.
Келіссөз барысында екі елдің экономика және отын-энергетика саласындағы ынтымақтастық мәселелері қаралды.
Тараптар Каспий құбыр консорциумының (КҚК) тұрақты жұмысын атап өтті.
Көкшетау, Семей және Өскемен қалаларында үш көмір жылу электр станцияларын салу жөніндегі ірі жобаны іске асырудың басталуына байланысты мәселелерге ерекше назар аударылды.
