«Қазпоштаның» бұрынғы басшысы жаңа қызметке тағайындалды
Маусым айында ғана Әсел Жанасова «Қазпошта» АҚ басқарма төрағасы қызметінен кетіп, Қасым-Жомарт Тоқаевтың кеңесшісі болған еді. Бүгін, 10 желтоқсанда, ол жаңа қызметке тағайындалды. Ол енді Президент әкімшілігі басшысының орынбасары, деп хабарлайды Arbat.Media.
Әсел Жанасова 2020–2022 жылдары Сауда және интеграция вице-министрі болған. 2025 жылы Forbes нұсқасы бойынша Әсел Жанасова Қазақстандағы ең ықпалды әйелдердің қатарында 18-орынға ие болды.
Айта кетейік, қыркүйек айының соңында Тоқаев өз кеңесшілері мен көмекшілерінің бір бөлігін ауыстырған.
Қазан айының соңында Президент әкімшілігінен Абзал Нүкенов Алматы қаласы әкімінің орынбасары қызметіне тағайындалды. Бұған дейін ол Президент әкімшілігінің ішкі саясат бөлімін басқарған.
Сондай-ақ, Президент әкімшілігінің сыртқы саясат бөлімінің меңгерушісі болып сотталған шенеуніктің ұлы Жандос Иманалиев тағайындалған болатын.
