Шымкентте Free Fire ойнаған оқушы 2 млн теңгеден айырылды
Шымкентте Free Fire ойнаған оқушысының ата-анасы 2 млн теңгеден айырылды, деп хабарлайды Arbat.media.
ІІМ хабарлағандай, белгісіз бала Free Fire мобильді ойынының аккаунтын сатып алуды ұсынған.
6-сынып оқушысы ұсынысқа қазығушылық танытып, белгісіз ер адамға анасының банк картасының мәліметтерін және ақша аударымының кодын жіберген. Салдарынан алаяқ анасының есебінен 2 млн теңге шешіп алып кеткен. Оқушының анасы ақша жоғалғанын анықтап, полицияға жүгінді. Көп ұзамай алаяқ та ұсталды, қазір онымен тергеушілер жұмыс істеп жатыр.
«Жедел іс-шаралар барысында күдікті ұсталды. Полиция ата-аналарға балаларына интернеттегі қауіпсіздік ережелері туралы жиі ескертіп отыруға кеңес береді. Бөгде адамдарға банк деректерін ешқашан хабарламауды әрдайым айтып отыру керек», — деп еске салды полиция.
