Таразда балға ұстаған маньяк елдің жағасын ұстатты

Таразда балға ұстаған маньяк көшелерді аралап жүргені туралы хабарлама тарады. Облыстық полиция департаменті жағдайға қатысты түсініктеме берді, деп хабарлайды Arbat.media.

Әлеуметтік желіде «Таразда балға ұстаған маньяк байқалды, зардап шеккендер бар» деген ақпарат желдей есті. Жамбыл облысының полиция департаменті бұл ақпараттың шындыққа жанаспайтынын хабарлайды.

Сондай-ақ полиция ҚР ҚК-нің 274-бабына сәйкес жалған ақпаратты, оның ішінде әлеуметтік желілер мен мессенджерлер арқылы таратқаны үшін қылмыстық жауапкершілік көзделгенін ескертті.