Жетісуда ер адам жасөспірім қызды бопсалаған

Тергеушілердің мәліметінше, ер адам кәмелетке толмаған қыз баламен TikTok әлеуметтік желісінде танысып, содан кейін сөйлесуді мессенджерде жалғастырған, деп хабарлайды Arbat.Media.

Күдікті қызға деген сеніміне ие болып, психологиялық қысымды, қорқытуды және 20 мың теңге көлеміндегі ақшалай сыйақы уәдесін пайдалана отырып, одан жыныстық сипаттағы материалдарды алады. Кейіннен ол бұл бейнежазбаларды мессенджерлердің бірінің жабық арналары арқылы заңсыз таратып, одан материалдық пайда тапқан.

Күдікті анықталып, уақытша ұстау абақтысына қамалды. Қазіргі уақытта қажетті тергеу әрекеттері жүргізіліп, оның осыған ұқсас қылмыстарға қатыстылығы тексерілуде.