Жайық өзенінде су 5 күн қатарынан көтеріліп жатыр

Атырау облысында Жайықтағы су деңгейі 5 күн қатарынан көтеріліп жатыр. Аймақта қорғаныс бөгеттері тұрғызыла бастады. Төтенше жағдайлар министрлігінің құтқарушылары тәулік бойы Қорғаныс құрылыстарының жай-күйіне мониторинг жүргізіп жатыр, - деп хабарлайды Arbat.media.

ТЖ министрі Шыңғыс Әрінов Жайық өзенінің ағысымен Каспийге қарай төмен түсіп, қорғаныс бөгендерін көзбен шолып тексерді, - деп жазады Kazinform агенттігі.

Кейінгі 5 күн ішінде аймаққа су келу қарқыны жоғарылаған.

«Қазгидромет» РМК гидрологиялық мониторинг деректері бойынша 12 мамыр сағат 09:00-дегі жағдай бойынша Жайық өзеніндегі су деңгейі:

Атырау - 538 см. Тәулігіне + 5 см.

Индербор ауданы - 1033 см. Тәулігіне +7 см.

Махамбет ауданы - 955 см. Тәулігіне +16 см.

«Жайық-Индербор және Жайық-Махамбет су бекеттерінде деңгей шектік белгіден асып түсті. Су одан әрі көтеріледі деп болжанып отыр», делінген ТЖМ хабарламасында.