Каирде Таяу Шығыс елдері басшылары Газадағы жағдайға қатысты кездесті

Каирде Таяу Шығыс елдері басшыларының Газа секторындағы жағдайға арналған кездесуі басталды, - деп хабарлайды Arbat.media.

Бейбітшілік саммитіне, сонымен бірге Германия Сыртқы істер министрі Анналена Бербок, Еуропалық кеңес төрағасы Шарль Мишель, БҰҰ Бас хатшысы Антониу Гутерриш және Палестина автономиясының басшысы Махмуд Аббас та қатысады.

Израиль шақырту алмағанын айтты.

Ал, Bloomberg жазғандай, АҚШ пен Израиль БҰҰ-ның қолдауымен және араб үкіметтерінің қатысуымен Газа секторында уақытша әкімшілік құру мүмкіндігін талқылап жатыр.

Бұл, басқалармен қатар, Израиль қорғаныс күштерінің әлі басталмаған жердегі операциясына байланысты болады.