Оскар 2024: «Мариупольдегі 20 күн» - үздік деректі фильм; "Оппенгеймердің" жеті марапаты бар

Оскар 2024: «Мариупольдегі 20 күн» - үздік деректі фильм; Оппенгеймердің жеті марапаты бар. 96-шы «Оскар» сыйлығының иегері режиссер Кристофер Ноланның ядролық бомбаны жасаушы Джулиус Роберт Оппенгеймер туралы фильмі атанды.Фильм жеті номинацияда жеңіске жетті. Ішінде: «Үздік фильм», «Үздік ер адам рөлі» (Киллиан Мерфи), «Екінші пландағы үздік ер адам» (Кіші Роберт Дауни), сондай-ақ монтаждау, операторлық жұмыс және саундтрек бойынша техникалық номинациялар. Сонымен қатар Нолан «Үздік режиссер» статуэткасын жеңіп алды, - деп хабарлайды Arbat.media.

Басты әйел рөлі үшін сыйлық «Бақытсыз сорлылар» фильміндегі Эмма Стоунға берілді. Бұл актрисаның мансабындағы екінші Оскар.

«Екінші пландағы үздік әйел рөлі» деп The Leftovers фильміндегі Дэван Джой Рэндольф атанды.

Уэс Андерсон «Генри Шугардың таңғажайып хикаясы» үшін «Үздік қысқаметражды фильм» номинациясын жеңіп алды.

Хаяо Миядзакидің «Бала мен құс» фильмі «Үздік анимациялық фильм» атанды.

Сценарий номинациялары бойынша "Америкалық шығарма" және "Құлау анатомиясы" мүсіншелер алды.

Арнайы эффектілер жүлдесі жапондық «Годзилла: Минус бір» фильміне берілді.

Мстислав Черновтың «Мариупольдегі 20 күн» фильмі «Үздік деректі көркем фильм» ретінде Оскар алды. Фильмді құрастырған ресейлік әскерилер қиратқан Мариупольдің кадрларын Ресейдің Украинаға жасаған шабуылының алғашқы күндерінде Associated Press агенттігінің журналистер тобы түсірген, оның құрамына украиналық фоторепортерлер Мстислав Чернов, Евгений Малолетка және продюсер Василиса Степаненко кірген. . Бұл Украина тарихындағы алғашқы Оскар.

Киноакадемияның өткен жылы қайтыс болған кинематогпафистерді еске алу рәсімінің дәстүрлі бөлімі Дэниел Роэр түсірген «Навальный» деректі фильмінің үзіндісімен ашылды, фильм «Үздік деректі фильм»номинациясында марапатқа ие болды.