Айтбек Амангелді Қаржаубайға қысым көрсетуде- Шерзаттың әпкесі

Әлеуметтік желіде 16 жастағы кісі қолынан қаза тапқан Шерзат Полаттың отбасы мен Айтбек Амангелді қызу талқыланып жатыр, деп хабарлайды Arbat.media.

Қоғам белсендісі Жан Ахмадиев Шерзат Полаттың отбасы қайта қудалауға ұшырағанын айтты.

Еске салайық, Шерзаттың әкесі Қаржаубай Нұрымов пен отбасының қорғаушысы Айтбек Амангелді арасында дау туындаған. Кейін Шерзаттың отбасы құқық қорғаушы Айтбек Амангелдінің көмегінен түбегейлі бас тартты. Енді сотта олардың мүддесін адвокаттар Мейірман Шекеев пен Жандос Палманов қорғамақ.

Жан Ахмадиев Қаржаубай Нұрымовтың қарындасы Перизат Нұрымованың әлденеден қауіптенетінін айтты. Перизаттың айтуынша, Қаржаубайдың үйін тінту жұмыстары қайта жүргізілген.

“Осы жағдайлар басталғаннан кейін Қаржаудың пәтеріне 2,5 ай бойы келмеген полиция келіп, тінту жүргізді. Олар Қаржауда қару-жарақ бар ма, тұрғылықты мекен-жайы дұрыс па деп тексеру жүргізіп жатыр екен. Бұл жайдан-жай болып жатыр деп ойламаймын. Бұл істерді Айтымның өзі істеп отыр ма? деген күдігім бар. 102-ні сол кісі жіберіп отырған сияқы”, - дейді Перизат Нұрымова.

Бұл пікірге Айтбек Амангелді әлі жауап бермеді.