Алматы облысында бірқатар елді мекен жарықсыз қалды

Күн райының нашарлауына байланысты кейбір елді мекендерде электр желілері жаппай үзіліп жатыр. Облыстық әкімдік таратқан мәліметке сәйкес, тиісті басқарма қалпына келтіру жұмыстарын қолға алды, - деп хабарлайды Arbat.media.

«Аудандар мен Қонаев қаласының әкімдіктері кезекшіліктер ұйымдастырып, «Алатау жарық компаниясы» АҚ энергия тасымалдаушы ұйымының барлық авариялық-қалпына келтіру жасақтары, күшейтілген режимде жұмыс істеуде», - деп хабарлады әкімдіктен.

Қазір «Алатау жарық компаниясы» АҚ үзілген электр желілерін жөндеп жатыр.

Жағдай тұрақты бақылауда.