Алматы тауларында 4 адам із-түзсіз жоғалып кетті
Төтенше жағдайлар министрлігінің баспасөз қызметі Алматы тауларында төрт адам жоғалғанын мәлімдеді, деп хабарлайды Arbat.media.
Алматы облысында балық аулауға барған адамдар жоғалған.
“22 наурыз күні кешке Алматы облысы ТЖД 112 пультіне таңертең бес адам Ұзын-Қарғалы өзенінің бойындағы Қарғалы ауылына балық аулауға барғаны туралы хабарлама келіп түсті. Топ ішінен тек бір адам ғана өз бетінше таудан түсті, қалған төртеуінің (бір ересек және үш жасөспірімнің) қайда екені белгісіз”, - деп жазылған хабарламада.
Хабарламада айтылғандай, іздестіру-құтқару жұмыстарына қатысқан үш құтқарушы үш техниканың, екі ҰҰА, екі кинологиялық топтың және екі спутниктік телефонның көмегімен Ұзын-Қарғалы бөгетінен 15 шақырым жоғары ашық аумақтан балықшыларды тауып алған.
