Алматыда 5000-нан астам адам Абай әндерін орындады

Алматы қаласы әкімдігі бір уақытта мыңдаған дауыс “Көзімнің қарасы” мен “Желсіз түнде жарық ай” әнін қосыла шырқағанын мәлімдеді, деп хабарлайды Arbat.media.

Сонымен қатар Алматының әр аумағында 5000-ден астам адам Абай әндерін орындап, Наурыз мейрамы аясында ұлы ақынның 180 жылдығын атап өтті.

Сағат 9.00 Абай даңғылының бойымен Назарбаев даңғылына дейін Байқадамов атындағы Мемлекеттік хор капелласының әртістері, П.Чайковский атындағы Алматы музыкалық колледжінің студенттері, Құрманғазы атындағы Қазақ ұлттық консерваториясының болашақ музыканттары, белгілі әншілер, қала тұрғындары мен қонақтарын қоса алғанда 5000-нан астам адам жиналды.

Бұл жай ғана музыкалық шығарманың орындалуы емес, Абай мұрасын құрметтеу, жаңғырту және болашақ ұрпаққа дәріптеу. Әуелете шырқалған ән әсем Алматының көктеміне шуақ шашып, төңіректі дүр сілкінтті.