Алматыда жүк көлігі 7 жасар қызды жаншып кетті

Алматы қаласының Алатау ауданында жүк көлігінің жүргізушісі жеті жасар қызды қағып кетті, деп хабарлайды Arbat.media.

Бала оқиға орнында қайтыс болды. Жол апаты бүгін, 2 сәуір күні сағат 12:17-де Алматы қаласының Алатау ауданында болған. Жергілікті полиция қызметінің кезекші бөлімінің мәліметінше, Renault маркалы жүк көлігінің жүргізушісі жаяу жүргіншілер өткелінде жолдан өтіп бара жатқан жеті жасар қызды қағып кеткен.

Жол апатына байланысты қылмыстық іс қозғалды. Полиция қажетті сараптамалар тағайындалғанын мәлімдеді.