Астанада Әкелер кеңесі құрылды

Алғыс айту күні қарсаңында Астана қаласы бойынша елу бір білім беру ұйымында «Даналық жобасы» аясында «Әкелер кеңесі» құрылды, - деп хабарлайды Arbat.media.

Бұл туралы Kazinform агенттігі жазады.

Кеңесті құрудағы мақсат — отбасылық құндылықтарды сақтау, әкелердің бала тәрбиелеудегі жауапкершіліктерін арттыру.

Сондай-ақ тәрбие процесін ұйымдастыруда және басқаруда мектепке көмек көрсету.

Осы мақсат аясында қаладағы барлық «Әкелер кеңесі», «Қар десанты» челенджін өткізу қолға алынып, эстафета бір-біріне жолданып келеді.

Бүгінгі таңда олардың барлығы балалары білім алып жатқан мектеп ғимаратының қарын күреп, игілікті іс-шараға бір кісідей қатысып жатыр.