Астаналықтар қаржы пирамидасын Telegram-бот арқылы анықтай алады

Астана қаласы экономикалық тергеу департаментінің екі тергеу басқармасының басшысы Тимур Мұқанов қаржы пирамидасының құрбаны болмау жолдарын айтып берді, - деп хабарлайды Arbat.media.

«Астана қаласы бойынша экономикалық тергеу департаментінде Qnet, Antares, Best Road Investment сияқты қаржы пирамидаларына қатысты бірқатар қылмыстық іс тергеліп жатыр. Заңды күшіне енген үкімдер бар, онда сотталушылар нақты мерзімге бас бостандығынан айырылған. Сондай-ақ, Департамент ойын бизнесіне, ойын аппараттарына, терминалдарға қарсы іс-қимыл бойынша бірқатар шаралар жүргізуде. Өйткені ойын мекемелері қазіргі қоғамның әлеуметтік проблемаларының біріне айналды. Әсіресе адамдар психологиялық тұрғыдан ойынға тәуелді болып, жеке жинақтарын, мүліктерін сата бастайды. Қайғылы салдар орын алып жатыр», — деді Тимур Мұқанов.

Спикердің айтуынша, интернет-ресурстарды тексеру бойынша «Байқа, пирамида!» Telegram-боты іске қосылды. Енді азаматтар сайттар мен әлеуметтік желілерді қаржылық пирамида қаупін өз бетінше тексеріп, бағамдай алады.

Сонымен бірге, Т. Мұқанов қаржы пирамидасын қалай анықтау керектігін айтты.

«Блогерлермен жұмыс істеп жатырмыз. Жақында Динара Сәтжанмен сұхбаттастық, онда қаржы пирамидаларының барлық белгілерін сипаттап бердік. Ұйымның іскерлік беделін БАҚ, әлеуметтік желілер арқылы тексеру қажет. Осы қаржы пирамидасына инвестиция салудың қажеті жоқ деп жазылған түсініктемелерді оқып шығу керек. Тәуелсіз шолуларды іздеп оқып, жоғары табыс туралы уәделерге сенбеуіңіз керек. Әрбір қаржы пирамидасындағы бірінші нәрсе — сіз ай сайын салған қаражаттың 40-70% аралығында жоғары кіріс уәде ету. Бір де бір ұйым мұндай нақты емес кірісті уәде ете алмайды», — деп атап өтті тергеу басқармасының басшысы.