Атырауда концерт кезінде ата-анасынан көз жазып қалған 80-ге жуық бала дін аман табылды

Атырауда Исатай-Махамбет алаңында Наурыз мейрамына арналған мерекелік іс-шара кезінде 78 бала ата-анасынан көз жазып қалған, деп хабарлайды Arbat.Media.

Полицияның мәліметінше, барлық бала жедел түрде табылып, ата-анасына табысталған. Олардың басым бөлігі бір сағатқа жетпей анықталыпты.

«Тек бір жасөспірімді полицейлер 3 сағатқа жуық іздеді. Көпшілік шара барысында ата-анасынан көз жазып қалған 7 жастағы жасөспірім бейнекамералар арқылы анықталды. Бүлдіршін анасын таппаған соң, бірден оның жұмыс орнына баруға шешім қабылдаған. Балақайды камера арқылы анықтаған инспекторлар анасына әкеп қауыштырды», деп хабарлады ІІМ.