Мейрамханада қыздарды ұрып-соққан әкімдік қызметкері жұмыстан қуылды

Алматы мейрамханаларының бірінде қыздарды ұрып-соқты деп айыпталған Ділмұрат Омаровқа қатысты қала әкімдігі түсініктеме берді, - деп хабарлайды Arbat.media.

Алматы қаласы әкімдігінің баспасөз қызметі атап өткендей, Ділмұрат Омаров 2022 жылдың қарашасынан бері Алматы қаласы Жастар саясаты мәселелері басқармасының бас маманы қызметін атқарған.

«Аталған жағдайдан кейін Д.Омаров биыл 19 ақпанда өз еркімен жұмыстан босату туралы арыз беріп, өтінішті кадр қызметі қабылдап, ҚР «Мемлекеттік қызмет туралы» қаулысымен Д.Омаров қызметінен босатылды», - деп хабарлады қалалық әкімдіктен.

Алматы қалалық полиция департаменті жарақат фактісі бойынша сот-медициналық сараптама тағайындағанын мәлімдеді.

«Ер адам ұсталды. Оның әрекетіне құқықтық баға беріледі. Шешім қабылдау үшін іс сотқа жіберіледі», - деп хабарлады Алматы қалалық полиция департаментінің баспасөз қызметінен.