Қазақстан Ресеймен мұнай жеткізу туралы келісімді қайта жандандырды

Қазақстан Ресеймен мұнай және мұнай өнімдерін жеткізу туралы келісімнің күшін қайта жаңғырту жөніндегі хаттаманы ратификациялады. Келісім 2010 жылдан бері қолданыста болған, деп хабарлайды Arbat.Media.

Алайда оның мерзімі 2024 жылғы 1 қаңтарда аяқталған еді. Енді құжаттың күші сол күннен бастап қайта қалпына келтіріліп, 2028 жылғы 1 қаңтарға дейін ұзартылды. Одан кейін тараптардың бірі қарсылық білдірмесе, келісім автоматты түрде тағы бес жылға ұзартылады.

Құжат жыл сайын мұнай мен мұнай өнімдерін жеткізу көлемін келісуді, екі елдің мемлекеттік органдары арасында ақпарат алмасуды және жеткізілген отынның пайдаланылуын бақылауды көздейді.