Қазақстан жаңалықтары

Заира Сабитова

26 қыркүйек 2024

Елімізде кофе 20 пайызға қымбаттады

Елімізде кофе бағасы 20 пайызға өсті. Бұған себеп — Бразилиядағы қуаңшылық пен Вьетнамдағы су тасқыны. Өндіріспен бірге экспорт та азайған. Соның салдарынан әлемде осы сусын түрінің бағасы шарықтап шыға келді. Жыл басынан бері Қазақстанда бір ғана "арабика" сұрпының құны 40 пайызға көтерілген. Оған қант, сүт, бір реттік ыдыс сынды тауарлардың қымбаттауы да қосылды дейді жергілікті сатушылар. 

Қазақстан жаңалықтары

Заира Сабитова

26 қыркүйек 2024

Киіктерді мотоциклмен қағып — аулап келген браконьер ұсталды

Ақтөбе облысында киіктерді мотоциклмен қағып өлтіретін браконьер ұсталды. Ол Қызыл кітапқа енгізілген түз тағысын осылай аулайды екен. Қобда ауылы маңында тәртіп сақшылары тоқтатқан Lada Largus автокөлігінен киік еті табылған. 42 жастағы жүргізуші жіліктелген бес ақбөкенді Ырғыз ауданы аумағынан аулағанан айтады. Қарусыз аңшылыққа қалай шыққанын сұрағанда, күдікті мотоциклмен соғып алғанын жасырмапты. 

Қазақстан жаңалықтары

Заира Сабитова

26 қыркүйек 2024

Жедел жәрдем енді тәулік бойы жұмыс істемеуі мүмкін

Жедел жәрдем енді тәулік бойы жұмыс істемеуі мүмкін. Еліміздің Денсаулық сақтау министрлігі алғашқы көмек көрсету жұмысына өзгерістер енгізбек. Бірақ жаңашылдықты түсінбей қалғандар көп. Негізінде қызмет көрсетуге жататын жеделдіктің 4 санаты бар. Біріншісі — шұғыл медициналық көмекті талап ететін, өлім аузында жатқан науқастар болса, төртіншісіне — адам өміріне қауіп төнбейтін созылмалы аурудың асқынуы, құсу, іш өтумен қатар жеңіл жарақаттар жатады. Қазір жедел жәрдем дәрігерлері төртеуіне де қызмет көрсетіп жүр. «Жедел жәрдемді сағаттап күтеміз» деген халықтың арыз-шағымы тікелей осыған байланысты дейді министрліктегілер. Оған қоса шығындарды да толық жаппайды екен. 

Қазақстан жаңалықтары

Заира Сабитова

26 қыркүйек 2024

Астанада екі жыл бойы заңсыз жұмыс істеп келген майнинг-ферма әшкереленді

Екі жыл бойы миллиондардың электр энергиясын ұрлаған. Астанада заңсыз жұмыс істеп келген майнинг-ферма әшкереленді. Сырттай шағын ғана нысан болғанымен, ферма бүтін бір аудан тұтынатын электр қуатын пайдаланған. 

Қазақстан жаңалықтары

Заира Сабитова

26 қыркүйек 2024

Балқашта құбыр ауыстырушылар жер астынан үш адамның сүйегін тапты

Балқашта құбыр ауыстырып жүрген жұмысшылар жер астынан үш адамның денесін тапты. Бірнеше жыл бұрын көмілген мәйіттер шіріп, тек сүйегі қалған.Құбыр ауыстырып жүргендер алдымен бір адамның сүйегін көреді. Полиция адам сүйектерін алып жатқанда тағы екі адамның денесі табылған. Сот-медициналық сараптама табылған адам денелері жер астында бірнеше жыл жатқан деп болжайды. Өйткені етінен дым қалмаған. Сонымен қатар сүйектердің жатысына қарай үшеуі де қасақана өлтіріліп, көмілген болуы мүмкін деген жорамал бар. Полиция із түзсіз кеткендердің деректерін көтеріп, мәйіттердің жеке басын анықтауға кірісті. Қылмыстық іс қозғалды. 

Қазақстан жаңалықтары

Заира Сабитова

26 қыркүйек 2024

Әйелін пышақтап өлтіріп, ұрлық жасаған еркек 15 жылға сотталды

15 жыл бірге тұрып сыйыспай, ақырында өлтіріп, 15 жылға қамалды. Алматыда Әл-Бейне Зарипованың бұрынғы күйеуіне үкім шықты. Әйелін өлтіріп, ұрлық жасағаны үшін сот оны кінәлі деп тапқан. Сотталушының аффект жағдайында қылмыс жасадым деген уәжі де дәлелденген жоқ. Жәбірленуші тарапқа жалпы 20 миллион теңге моральдық шығын өтеуге де міндеттелді. Қыста болған қылмыстың нүктесі бүгін қойылды. Бұған дейін «қызымызды асқан жауыздықпен өлтірді» деген Әл-Бейненің жақындары бұрынғы күйеу баласын 20 жылға бас бостандығынан айыруды сұраған. Бірақ сот Сабыржан Зариповтың әйелін өлтіргенін мойындағаны үшін жазасын жеңілдетіпті. 

Қазақстан жаңалықтары

Заира Сабитова

26 қыркүйек 2024

Алматылық студент қоғамдық орында өзіне қол салды

Алматыда режиссер боламын деп жүрген студент өзіне қол салды. Қайғылы оқиға қоғамдық орындардың бірінде болған. Марқұм Алматы менеджмент университетінің үшінші курсында оқыған. Марқұмды ақкөңіл, ашық-жарқын жігіт еді деп сипаттады бүгін университет басшылары. Сабақ үлгерімі де жақсы болған екен. Өзіне қол салмас бұрын курстастарымен бірге киноға барыпты. Кинотеатрдан шыққан соң небәрі 20 жастағы студентті мұндай қадамға баруға не итермелегені әзірге белгісіз. Оның себебін енді полиция анықтайды. Суицид дерегі бойынша олар қылмыстық іс қозғаған. 

Қазақстан жаңалықтары

Заира Сабитова

26 қыркүйек 2024

Алматы қаласының 36 пайызы жасыл желекпен қамтылған

Алматының 25,4 мың гектары жасыл желекпен қамытылған. Бұл туралы Экология және қоршаған ортаны қорғау басқармасының басшысы Мирас Гайсин Алматыда өтіп жатқан Орталық Азия өсімдік тәлімбақтары қауымдастығының II конференциясында айтты. Басқарма басшысының айтуынша, Алматы республикадағы ең жасыл қалалардың бірі. Мегаполистің 68 мың гектар аумағының 25,4 мың гектары немесе 36%-ы жасыл желекпен қамтылған. 

Қазақстан жаңалықтары

Заира Сабитова

25 қыркүйек 2024

АЭС орны қалай таңдалады?

Мемлекет басшысы АЭС құрылысын жүргізуге қатысты жалпыхалықтық референдумды 6 қазанға белгілегеннен кейін, елдегі жетекші саяси партиялар мен азаматтық ұйымдар өкілдерінің басын қосқан Халық штабы құрылды. Бүгінде әр өңірде Президент идеясының мәні мен маңызын талқылау қарқынды жүргізіліп жатыр. 

Қазақстан жаңалықтары

Заира Сабитова

25 қыркүйек 2024

Оралда 100 бала жоғалып кеткен

21 қыркүйек күні Орал тұрғындары «қала күнін» тойлаған. Алайда мереке кезінде түрлі бұзақылық пен заңсыз әрекеттер тіркелді. Кешкілік гала-концерт кезінде 100 бала жоғалған, олар стационарлық полиция пунктіне жеткізілді. 

Қазақстан жаңалықтары

Заира Сабитова

25 қыркүйек 2024

Әскердегі әлімжеттіктің әуресі

Әскери қызметшілер арасында түсініксіз жағдайдағы өлім-жітім мен жарақат алу оқиғаларының көбеюінен кейін қоғамда әскер саласындағы әлім­жеттік тақырыбы желдей есіп тұр. Көптің талқысына түскен мәселеге жуырда Президент Қасым-Жомарт Тоқаев Жолдауында арнайы тоқталып, қауіпсіздік пен тәртіпті нығайту қажеттігін айтты. Ол Отан алдындағы борышын өтеуге аттанған жастардың денсаулығы мен қауіпсіздігіне, ең алдымен, армия басшылығы және құқық қорғау мекемелерінің басшылары жауапты екенін еске сала келе: «Жастар әскерге Отан алдындағы борышын өтеуге барады. 

Қазақстан жаңалықтары

Заира Сабитова

25 қыркүйек 2024

Ел азаматтарының зейнетақы активтері 3 трлн теңгеге көбейді

2024 жылғы 1 қыркүйектегі жағдай бойынша отандастарымыздың БЖЗҚ-дағы зейнетақы шоттарындағы зейнетақы активтері 20,9 трлн теңгеден асып, жыл басынан бергі 8 ай ішінде 3 трлн теңгеге немесе 17%-ға өсті. Зейнетақы жинақтарының жылдық өсімі 4,1 трлн теңгені құрады.