Қазақстан жаңалықтары

Заира Сабитова

23 қыркүйек 2024

«Болашақ» стипендиаттарына қанша қаражат жұмсалады

Халықаралық бағдарламалар орталығы» АҚ «Болашақ» бағдарламасы стипендиаттарын оқытуға бөлінген бюджет қаражатының сомасын атады. Орталық мәліметіне қарағанда, оқыту құны білім бағдарламасына, баратын елге және таңдалған мамандыққа байланысты өзгеріп тұрады. Сонымен қатар, қаржыны есептеу кезінде университеттің рейтингі, оның орналасқан жері, бағдарламаның ұзақтығы да маңызды рөл атқарады. 

Қазақстан жаңалықтары

Заира Сабитова

23 қыркүйек 2024

ШҚО: Кәсіпорынның 220 жұмысшысы жалақы алмай келген

Шығыс Қазақстан облысындағы кәсіпорындардың бірінде жалақыларын ала алмай келген 220 жұмысшының құқығы қорғалды. Риддер қаласының прокурорлары «Водоканал» кәсіпорнының 220 қызметкеріне жалақы төленбей келе жатқандығын анықтаған. Компанияның жұмысшыларға берешегі - 50 млн теңгеден асып кеткен. Марқакөл ауданының прокуратурасы «Теректі» коммуналдық кәсіпорнында 16 жұмысшы 2 ай бойы жалақы алмағанын, қарыз сомасы 5,4 млн теңгені құрағанын анықтады. 

Қазақстан жаңалықтары

Заира Сабитова

23 қыркүйек 2024

Әкімнің ұлы анасын ұрғаны үшін сотталды

Қарағанды қаласының Қазыбек би ауданы сотында 78 жастағы кейуананы ұрып-соққан ер адамға қатысты іс қаралды. Бұрынғы қала әкімінің ұлы қарт анасына қол көтергені үшін үш жылға бас бостандығынан айырылды. Сотқа дейінгі тергеп-тексеру органдары айыпталушы 1946 жылы туған анасына қасақана дене жарақатын салғаны, денсаулығына орташа ауырлықтағы зиян келтіргені және дәрменсіз күйде болған қарияға қатысты қылмыс жасағаны үшін ҚК 107-бабы 2-бөлігі 3-тармағы бойынша айып тақты. 

Қазақстан жаңалықтары

Заира Сабитова

23 қыркүйек 2024

Шымкентте ер адамды пойыз басып кетіп, қайтыс болды

Шымкентте шамамен 30-35 жастағы ер адам пойыз астында қалып мерт болды. Оқиға 21 қыркүйек сағат 22.00-лер шамасында Исмайлов (бұрынғы Громов)-Жангелдин көшелерінің қиылысына жақын маңнан өтетін теміржолда болған. «Шұғыл шақырылым» тілшісінің хабарлауынша, жарақаттың ауыр болғаны соншалық, ер кісі оқиға орнында көз жұмған.

Қазақстан жаңалықтары

Заира Сабитова

23 қыркүйек 2024

Қарағанды облысының тасжолдарында 18 блок-бекет қойылды

Қарағанды облысының тасжолдарында 18 жылжымалы блок-бекет қойылды. Мал ұрлығының алдын алу және оған тосқауыл қою мақсатында Қарағанды облысының тасжолдарында 18 жылжымалы блок-бекет қойылды. Полиция қызметкерлері аталған бекеттерде мал және ет өнімдерін тасымалдаушыларды тоқтатып, құжаттарының белгіленген талаптарға сай болуын тексереді. 

Қазақстан жаңалықтары

Заира Сабитова

23 қыркүйек 2024

Ұлттық бренд — апорт қайта жаңғыртылады

ҚР Президенті жанындағы Ұлттық ғылым академиясы алғаш рет «Garden Day — Aport» атты бақша күнін өткізді. Іс-шара Қазақ жеміс-көкөніс шаруашылығы ғылыми-зерттеу институтының «Талғар» аймақтық филиалының базасында ұйымдастырылды. Оған ҚР Ауыл шаруашылығы вице-министрі Ербол Тасжүреков, Алматы облысы әкімінің орынбасары Нұржан Құдайбергенов, ғылыми-зерттеу институттарының жетекшілері, агробизнес өкілдері, Түркия, Польша және Болгариядан келген ғалымдар қатысты. Президент тапсырмасы бойынша Қазақстанда ұлттық бренд — апортты қайта жаңғырту шаралары қабылданып жатыр. 

Қазақстан жаңалықтары

Заира Сабитова

23 қыркүйек 2024

Абай облысында халық әртісі Бибігүл Төлегеноваға құрмет көрсетілді

Абай облысында Қазақстанның халық әртісі, КСРО халық әртісі, Абай облысының Құрметті азаматы, әнші Бибігүл Төлегенованың 95 жылдығына арналған «Қазақтың Бибігүлі – халықтың бұлбұл үні» атты концерт өтті. Ән кешінде отандық және шетелдік композиторлардың операларынан ариялар, халық әндері, романстар, оркестрлік шығармалар орындалды. Концертте Әміре Қашаубаев атындағы Мемлекеттік филармония жанындағы «Бибігүл» қазақ халық аспаптар оркестрі, мәдениет саласының үздігі Нұрбек Өмірбеков, республикалық конкурстардың лауреаты, Әміре Қашаубаев атындағы Мемлекеттік филармонияның әншісі Әйгерім Тоқтыбаева, республикалық конкурстардың лауреаты, Абай облысы әкімінің эстрадалық-симфониялық оркестрінің солисі Әйгерім Әшірова өнер көрсетті. 

Қазақстан жаңалықтары

Заира Сабитова

23 қыркүйек 2024

Алматыда Шекара академиясының курсанты қайтыс болды

Ұлттық қауіпсіздік комитеті бүгін түнде Алматыдағы Шекара академиясы курсантының өліміне қатысты түсініктеме берді. 2024 жылғы 22 қыркүйекте Алматы қаласының көпқабатты тұрғын үйінің ауласынан кезекті демалысқа босатылған 3-курс курсантының мәйіті табылды. Өліміне биіктен құлау себеп болған. 

Қазақстан жаңалықтары

Заира Сабитова

23 қыркүйек 2024

Қазақстан автомектептерге қойылатын талапты күшейтеді

Қазақстан автомектептерге қойылатын талапты күшейтпек. ҚР Ішкі істер министрінің орынбасары Игорь Лепеха хабарлау рәсімінен рұқсат беру тәртібіне қайта оралу қажет деп санайды.ҚР Ішкі істер министрінің орынбасары Игорь Лепеха автомектептерге лицензияны қайтару жоспарымен бөлісті. Ол жүргізушілерді оқыту басты мәселе екенін атап өтті. Қазір Ішкі істер министрлігі бұл процесті бақылап отырған жоқ, рұқсат беру тәртібінің орнына білім сапасына кері әсер ететін хабарландыру тәртібі жұмыс істейді. 

Қазақстан жаңалықтары

Заира Сабитова

22 қыркүйек 2024

СҚО: Әйел гаражда босанып, баласын қалдырып кеткен

Солтүстік Қазақстан облысы Ғ.Мүсірепов атындағы ауданда әйел гаражда босанып, баласын қалдырып кеткен. Қазір осы оқиға бойынша сотқа дейінгі тергеу басталды. 25 жастағы әйел жасырын босанып, қан кеткеннен кейін Ғ.Мүсірепов атындағы ауданның орталық ауруханасына көрінуге мәжбүр болған. Тексеру барысында оның гаражда бала туғаны мәлім болды. 

Қазақстан жаңалықтары

Заира Сабитова

22 қыркүйек 2024

Жолдарға күн сәулесінен қуат алатын батареялар орнатылып жатыр

Республикалық маңыздағы «Доссор-Құлсары-Бейнеу-Сайөтес-Шетпе-Жетібай-Ақтау» автомобиль жолы желісінің Маңғыстау ауданына қарасты Жармыш, Бекі ауылдары, Сайөтес ауылы маңына, Маната асуына 300 дана күн сәулесінен қуат алатын батареялар орнату жұмыстары жүргізіліп жатыр. Бұл тәуліктің түнгі мезгілінде жол-көлік оқиғаларының алдын алуға ықпал етеді. 

Қазақстан жаңалықтары

Заира Сабитова

22 қыркүйек 2024

ШҚО-да халықаралық бүркітшілер фестивалі өтеді

Шығыс Қазақстан облысында қазан айында «Шығыс салбұрыны» халықаралық бүркітшілер фестивалі өтеді. 10-14 қазан күндері Ұлан ауданы Бозанбай ауылының маңындағы «Бүркіт төбе» алаңында дәстүрлі «Шығыс салбұрыны» халықаралық бүркітшілер фестивалі өтеді. Фестивальге республиканың әр түкпірінен және шет елдерден, атап айтқанда Моңғолиядан, Венгриядан, Ресейден, Испаниядан, Қытайдан 130-дан астам адам қатысады. Негізгі іс-шаралар 11-12 қазанға жоспарланған. Келетін қонақтардың жалпы саны – 4000-5000 аралығында.