БҰҰ: Украина халқының 40 пайызға жуығы гуманитарлық көмекке мұқтаж

БҰҰ мәліметінше, Украина халқының 40 пайызға жуығы гуманитарлық көмекке мұқтаж, - деп хабарлайды Arbat.media.

Суық күн райы мен Ресейдің атқылауы Украинадағы гуманитарлық жағдайды қиындатып отыр. БҰҰ бағалауы бойынша, қазір 14,6 миллион украин гуманитарлық көмекке мұқтаж, яғни ел халқының 40%-ға жуығы.

БҰҰ-ның Төтенше жағдайлар жөніндегі агенттігі мен БҰҰ-ның босқындар ісі жөніндегі агенттігі биыл Украинаға гуманитарлық көмек көрсетудің қаржы қажеттілігін 4,2 миллиард долларға (шамамен 3,8 миллиард еуро) бағалайды.

Былтыр БҰҰ 5,6 миллиард еуроны есептеді – оның 60%-дан азын ғана жинай алды. Енді көмек көрсету бағдарламасы 850-ден астам серіктес ұйымдардың қатысуымен жүзеге асырылады.

БҰҰ мәліметі бойынша, Украинаның оңтүстігі мен шығысында майдан шебіне жақын жерде 3,3 миллионнан астам адам тұрады: олардың бір бөлігі сусыз, газсыз және жарықсыз үйінде қамалып отыр.

Жүздеген мың балалар қорқып, психикалық күйзеліске ұшырады, деді БҰҰ-ның гуманитарлық істерді үйлестіру басқармасының басшысы Мартин Гриффитс.