Алматы облысында көліктің жүксалғышынан өртенген мәйіт табылды

Алматы облысы Қарасай ауданында көліктің жүксалғышынан өртенген мәйіт табылды, деп хабарлайды Arbat.media.

Алматы облысының полициясы кісі өлтіру фактісі бойынша сотқа дейінгі тергеу басталғанын хабарлады.

"Жедел-іздестіру іс-шаралары барысында 43 жастағы күдікті уақытша ұстау изоляторына қамалды. Қазіргі уақытта қылмыстың барлық мән — жайларын объективті зерттеуге бағытталған барлық қажетті тергеу әрекеттері жүргізілуде", - деп хабарлады Алматы облысы полиция департаменті.

Әлеуметтік желілерде күдікті ер адамды іскерлік дауларға байланысты балғамен ұрып өлтіргені айтылып жатыр.