Дубай-Ташкент рейсіндегі азаматтан 120 мың долларлық алтын сағат табылды

«Дубай-Ташкент» бағыты бойынша ұшқан Өзбекстан азаматы «Ислам Каримов» халықаралық әуежайдағы шекаралық-кеден бекетінде тексеруден өткен. Нәтижесінде оның қол сөмкесінде ақ тастармен безендірілген “Patek Philippe Geneve” жазуы бар қол сағаты табылды. Құны 1 млрд 540 млн 260 мың сум (шамамен 121,5 мың доллар) тұратын алтын сағат декларацияланбаған және жеке тұлғалар үшін белгіленген нормативтен асып кеткен, - деп хабарлайды Arbat.media.

Бұл туралы Toshkent-AERO баспасөз қызметі хабарлады.

Қазіргі уақытта тергеу амалдары жүргізілуде.

Айта кетейік, елдегі заң бойынша жеке тұлғаларға салмағы 200 грамға дейінгі күмістен жасалған зергерлік бұйымдарды және салмағы 65 грамға дейінгі алтыннан және басқа да бағалы металдардан жасалған зергерлік бұйымдарды жолаушы кедендік декларациясын толтырмай, ал осы мөлшерден асатындарды жолаушы кедендік декларациясында белгілей отырып,

Өзбекстанның аумағынан алып шығуға рұқсат беріледі.