«Ішінде бала да болған»: Түзеу мекемесінің қызметкері өртеніп жатқан үйден 6 адамды алып шықты
СҚО, Булаево ауылы, Целинная көшесіндегі өртте түзеу мекемесінің қызметкері 6 адамды құтқарып қалды, - деп хабарлайды Arbat.media.
ІІМ баспасөз қызметінің мәліметінше, ол өртеніп жатқан үйден 6 адамды алып шыққан.Олардың арасында кішкентай бала да бар.
«1 қаңтар күні шамамен сағат 13:21 -де СҚО, Булаево ауылы, Целинная көшесі 7 мекенжайында орналасқан екі қабатты тұрғын үйден өрт болғаны туралы ақпарат келіп түсті. Тексеру барысында пробация аға лейтенанты Ғалымжан Байбусин үй тұрғындарына көмек көрсетіп, түтін басқан үйден 6 адамды алып шықты, оның ішінде кішкентай бала да бар. Сонымен бірге офицер өртті оқшаулауға көмектескен», - делінген хабарламада.
Өрт салдарынан пәтердегі терезе саңылауы зақымдалды. Өрттің жалпы ауданы 12 шаршы метрге жеткен. Алдын ала себебі – стокерге жақын орналасқан пластикалық терезенің тұтануы.
