Қазақстанда алғаш рет ски-альпинизмнен ел біріншілігі өтеді
30 қараша және 1 желтоқсан күндері елімізде алғаш рет ски-альпинизмнен Қазақстан чемпионаты өтеді. Бұл спорт түрінен алғашқы ел біріншілігі Алматы қаласының «Шымбұлақ» тау курортына өтпек. Қазақстан чемпионатындағы жарыстар екі бағыт бойынша ұйымдастырылады. 30 қараша күні спортшылар «Вертикалды жарыс» форматында, 1 желтоқсанда «Спринт» бағытында өтеді. Жарысқа Шымкент, Өскемен, Петропавл, Ақмола облысы, Қарағанды, Алматы және Алматы облысының спортшылары қатысады, - деп хабарлайды Arbat.media.
Айта кеткен жөн, ски-альпинизм – шаңғы арқылы тауға жылдамдықпен көтерілу және жылдамдықпен түсу элементтерін біріктіретін спорт түрі, - деп жазады Kazinform агенттігі.
2021 жылдан бастап спорт олимпиадалық спорт түрлері тізіміне енген. Ал 2024 жылы ски-альпинизм немесе скимо Қазақстанның спорт түрлері тізіліміне енгізілді.
Қазақстан чемпионатының нәтижесі бойынша бұл спорт түрінен елдің ұлттық құрамасы жасақталады. Жаңадан құрылған команда 2025 жылдың ақпанында Харбин қаласындағы қысқы Азия ойындарында бақ сынайды.
