Қазақстан жаңалықтары

Заира Сабитова

27 шілде 2024

Балалардың денсаулық паспорты ауыстырылады

Елде баланың денсаулық паспорты электронды нұсқаға ауыстырылады. Бұл құжатты баласы мектепке не балабақшаға баратын ата-аналар міндетті түрде толтырып, тапсыруы тиіс. Онлайн жүйеге медициналық мәліметтер енгізіледі. Цифрлы жобаның тағы қандай артықшылығы бар? Баланың электронды денсаулық паспорты ата-ананы ең алдымен қағазбастылықтан арылтады. Онлайн жүйеде профилактикалық екпелер мен скринингтердің қорытындысы жазылады. Қазір дәрігерлер білім беру ұйымдарына баратын балалардың құжатын толтырып жатыр. 

Қазақстан жаңалықтары

Заира Сабитова

27 шілде 2024

XXXIII жазғы Олимпиада ойындары басталды

Франция астанасы – Парижде ресми түрде XXXIII жазғы Олимпия ойындары басталды. Төрт жылдықтың басты додасының ресми ашылу салтанатындағы «Мемлекеттер шеруі» кезінде Қазақстанның көк байрағын боксшы Асланбек Шымбергенов пен жеңілатлет Ольга Сафронова ұстап шықты. 

Қазақстан жаңалықтары

Заира Сабитова

27 шілде 2024

АШМ малдың жаппай қырылуын тексеруге кірісті

Ауыл шаруашылығы министрлігі малдың жаппай қырылуын тексеруге кірісті. Айдарбек Сапаров басқаратын бөлім 5 тамызға дейін зерттеу нәтижесі дайын болуы керек деді. ҚР Ветеринариялық бақылау және қадағалау комитетінің аумақтық департаменті әлеуметтік желіде малдың жаппай ауруға шалдығуы мен қырылуы туралы жарияланған ақпаратқа байланысты тексеруді бастады. 

Қазақстан жаңалықтары

Заира Сабитова

26 шілде 2024

Жоғалған кейуана екі тәуліктен соң аман табылды

Ақмола облысында екі тәулік бұрын жоғалып кеткен есте сақтау қабілеті нашар кейуана аман табылды. Ақмола облысы ПД баспасөз қызметінің мәліметінше, Финченко Любовь Ивановнаның жоғалғандығы туралы Целиноград аудандық полиция бөліміне шілденің 23-де кешкі 20:25 шамасында қызы хабарлап айтқан. Жоғалған адамды іздеуге полиция бөлімінің жеке құрамы бағдарланды, іздеу тобы орман алқаптары мен бос жерлерді, қараусыз қалған ғимараттар мен саяжайлардың аумағын тексерді. Сонымен бірге, дрон арқылы әуеден бақыланды. 

Қазақстан жаңалықтары

Заира Сабитова

26 шілде 2024

Су тасқынынан зардап шеккендерге өтемақы төлеу тәртібі өзгереді

Премьер-министрдің орынбасары Қанат Бозымбаев су тасқыны салдарынан туындаған күрмеулі мәселелерге ден қою проблемаларын талдау бойынша кеңес өткізді.  Кеңесте төтенше жағдай кезінде жедел ден қою үшін республикалық және өңірлік штабтардың өкілеттіктерін кеңейту, техника мен жабдықтарды тасымалдау тетігі, сондай-ақ табиғи апаттар кезінде мүлікті сақтандыру мәселелері талқыланды. 

Қазақстан жаңалықтары

Заира Сабитова

26 шілде 2024

БЖЗҚ: 260 мыңдай қайтыс болған салымшының 27,8 млрд теңгесі сақтаулы тұр

Бірыңғай жинақтаушы зейнетақы қоры қайтыс болған салымшылардың мұрагерлік рәсімделмеген шоттары туралы мәлімет берді. «Әлеуметтік кодекстің ережелерінде БЖЗҚ-дан, оның ішінде алушының қайтыс болуына байланысты зейнетақы жинақтарын төлеуді (жерлеуге және (немесе) мұрагерлерге) жүзеге асыру үшін негіздердің толық тізбесі айқындалған. Сәйкесінше, зейнетақы жинақтарының сомаларын алушы немесе оның мұрагері (мұрагерлері) осы соманы талап еткенге дейін ол БЖЗҚ есебінде болады», - деп жазады қор мамандары. 

Қазақстан жаңалықтары

Заира Сабитова

26 шілде 2024

«Қазселденқорғаудың» экс-басшысы Кәрім Көкірекбаев қамауға алынды

«Қазселденқорғаудың» бұрынғы басшысы Кәрім Көкірекбаев сот залында қамауға алынды.Сыбайлас жемқорлыққа қарсы іс-қимыл агенттігінің мәліметінше, 25 шілдеде Алматы облыстық соты төтенше жағдай министрлігі «Қазселденқорғау» ММ басшысы Кәрім Көкрекбаевқа қатысты ақтау үкімінің күшін жойды.«Қылмыстық іс бірінші сатыдағы соттың жаңа қарауына жолданды. Сонымен қатар, Кәрім Көкірекбаев сот залында қамауға алынды», – делінген. 

Қазақстан жаңалықтары

Заира Сабитова

26 шілде 2024

Ескерту: Қаржылық мониторинг атынан хабарласатын алаяқтар көбейді

Қаржылық мониторинг агенттігі телефон арқылы жасалған алаяқтық фактілері туралы хабарлады. Алаяқтар телефон қоңыраулары немесе хабарлама жіберу арқылы өздерін ҚМА қызметкерлері ретінде таныстыруы мүмкін. Сұхбат барысында Қазақстан резиденттерінің қаражатын банктік шоттардан қылмыстық жолмен алудың әртүрлі схемаларын сылтау етіп, алаяқтықтың ықтимал белгілеріне және ҚМА тарапынан қойылған шектеулерге байланысты банктердегі шоттар бойынша операцияларды тоқтата тұру туралы хабардар етеді. Ары қарай, алаяқтар банктік шоттардың реквизиттерін, заңмен қорғалатын және құпия, жария етілмейтін деректерді ұсынуды сұрайды. 

Қазақстан жаңалықтары

Заира Сабитова

26 шілде 2024

Үкімет басшысы Семейдегі өртенген қарағайлы орманды қалпына келтіру жұмыстарын тексерді

Премьер-министр Олжас Бектенов Абай облысына жұмыс сапары аясында «Семей орманы» табиғи резерваты аумағын әуеден тексеріп, Мемлекет басшысының өртенген қарағайлы орманды қалпына келтіру және өрттің алдын алу, орман шаруашылығындағы мәселелерді шешу жөніндегі тапсырмаларының орындалуын тексерді. 

Қазақстан жаңалықтары

Заира Сабитова

26 шілде 2024

Тұрғын үй-коммуналдық шаруашылығының бірыңғай платформасы құрылмақ

Өнеркәсіп және құрылыс министрлігі бұл саланы дамыту жұмыстарын жалғастыруда.Тұрғын үй-коммуналдық шаруашылығының бірыңғай платформасы құрылады, дейді ҚР Өнеркәсіп және құрылыс вице-министрі Жаннат Дүбирова айтты. Өнеркәсіп және құрылыс министрлігі мемлекеттік қызметтер мен деректерді цифрландыруға ерекше көңіл бөлуде. Құрылыс саласында 22 мемлекеттік қызмет бар, оның 20-сы электронды форматта көрсетіледі. 

Қазақстан жаңалықтары

Заира Сабитова

26 шілде 2024

Астанада пышақ ұстап, лифтіде тұрғындарды қорқытқан

Астанадағы тұрғын үй кешендерінің бірінде қолына пышақ ұстаған ер адам лифтке кіріп, ғимарат тұрғындарын қорқытқан. Әлеуметтік желіде тарап кеткен видеоға зер салсақ, ішімдікке масайған ер адамның қолына пышақ ұстап, лифтке кіріп жатқанын байқауға болады. Баласымен бірге лифтке кірмек болған әйел пышақ ұстаған ер адамды көріп, ойынан айнып, кірмеген. 

Қазақстан жаңалықтары

Заира Сабитова

26 шілде 2024

Марқұм Амангелді Сейітханның ұлы Париж Олимпиадасында комментатор болады

«Хабар» агенттігінің басшылығы жазғы Олимпиада ойындары қарсаңында қазақ спорт жанкүйерлерін қуантып, белгілі спорт журналисі Амангелді Сейітхан марқұмның ұлы Бекасыл Сейітханға тізгін ұстатты. Бекасыл Сейітхан спорт журналисткасына бала кезден құмартқан. Алайда онысын байқатпағандықтан әкесі үйінде болашақ комментатордың өсіп келе жатқанын мүлде білмеген. Әкесі көз жұмған соң, комментатор ісін қолға алып, ізін жалғастыруға кіріскен. Жеке спорт арнасында шеберлігін шыңдап жүрген Бекасыл Сейітхан бір жылдан астам уақыт ішінде 100-ден астам эфир жүргізген. Осы Олимпиадаға іріктеу кезеңдерін де жүргізген екен.