Қазақстан жаңалықтары

Заира Сабитова

22 шілде 2024

«Айбоз» ұлттық әдеби сыйлығына өтінім қабылданып жатыр

Мәдениет және ақпарат министрлігі «Айбоз» ұлттық әдеби сыйлығына шығармаларды қабылдау жалғасады деп хабарлайды. Ұлттық әдеби сыйлық отандық қаламгерлерді мемлекеттік қолдау және қазақ әдебиетінің дамуына ықпал ету мақсатында үшінші рет өткізіледі. Ұлттық сыйлыққа «Үздік проза», «Үздік поэзия», «Үздік драматургия», «Үздік әдеби аударма», «Үздік балалар әдебиеті», «Үздік әдеби сын», «Үздік комикс» номинациялары бойынша бұрын жарияланбаған туындылар қабылданады. 

Қазақстан жаңалықтары

Заира Сабитова

22 шілде 2024

Гүлмира Сатыбалдының ісі: судья жәбірленушіні сот залынан шығарып жіберді

Гүлмира Сатыбалды ісінде жәбірленушіні сот залынан шығарып жіберді. «18 шілде күні Гүлмира Сатыбалдыға қатысты сот процесі барысында жәбірленуші куәгер Родионов пен сотталушы Батыршаевпен сөзге келіп, тәртіп бұзғаны үшін сот залынан шығарылды. Қылмыстық-процестік кодекстің 346-бабына сәйкес, сот отырысында тәртіп бұзылып, төрағалық етушінің өкіміне бағынбаған жағдайда, судья ол адамды сот залынан шығарып жіберуге құқылы», - деді судья Мәртпек Кәкімжанов. 

Қазақстан жаңалықтары

Заира Сабитова

22 шілде 2024

Орал қаласының әкімі қызметінен кетті

Орал қаласының әкімі Миржан Мұнайдарұлы Сатқанов қызметінен кетті. Бұл туралы ол Facebook желісіндегі парақшасында мәлім етті. М.Сатқанов бұл қызметте екі жылдан астам уақыт бойы оралдықтармен қоян-қолтық жұмыс істегенін атап өтті. 

Қазақстан жаңалықтары

Заира Сабитова

22 шілде 2024

Қазақстандағы интернет ЕАЭО елдерінің ішінде ең қолжетімді болып шықты

Еуразиялық даму банкі Қазақстандағы цифрлық қызметтердің даму қарқынын саралап көрді. ЕАЭО-ның басқа елдеріне қарағанда біздегі интернет халықтың көп бөлігіне қолжетімді екені анықталып отыр. Есепке сәйкес, Қазақстанда азаматтардың 90,9 пайызы бірден интернетке қол жеткізе алады. Ресейде бұл көрсеткіш небәрі 88,2%-ды, ал Беларусьте – 86,9%-ды құраған. Түркіменстандағы көрсеткіш 38,2%-ға тең. 

Қазақстан жаңалықтары

Заира Сабитова

22 шілде 2024

Қаныш Сәтпаевтың 125 жылдығы: арнайы безендірілген пойыз жолға шықты

«Қазақстан темір жолы» ҰК» АҚ Қаныш Сәтпаевтың 125 жылдығына орай безендірілген жолаушылар пойызын жолға шығарды. Ғалымның өмір жолы Жезқазған қаласымен тығыз байланысты болғандықтан, оның суреті № 65/66 «Астана-Жезқазған» бағытындағы пойызға бейнеленген. Ол тамыз айының соңына дейін күнара қатынайтын болады. 

Қазақстан жаңалықтары

Заира Сабитова

22 шілде 2024

Е-Otinish платформасынан тағы да ақау шықты

Қазақстанда «Е-Otinish» электрондық өтініштер сайтының қызметінде ақау пайда болды. Қазіргі уақытта сайттың жұмысын қалыпқа келтіру бойынша жұмыс жүргізіліп жатыр. «Ұлттық ақпараттық технологиялар» АҚ сервистің істен шығуы туралы мәлімдеме жасады. 

Қазақстан жаңалықтары

Заира Сабитова

22 шілде 2024

«МАЭК» кәсіпорнында ірі апат болды – фейк

Ақтау қаласының тұрғындары арасында WhatsApp желісі арқылы аудио хабарлама тараған болатын. Онда кәсіпорында ірі апат орнағаны, алдағы уақытта су қайта ажырауы мүмкін екендігі туралы айтылған. Бұл жалған ақпарат болып шықты. 

Қазақстан жаңалықтары

Заира Сабитова

21 шілде 2024

Ақмолада ірі қара мал тұқымдары байқауының жеңімпазы анықталды

Қазақстанда етті ірі қара мал тұқымдары арасында Ұлттық конкурстың жеңімпазы анықталды және оған жарыстың бас жүлдесі – жаңа трактор тарту етілді. Малшылар арасындағы конкурс «Jańa Dala / Green Day ‘2024» Дала күні аясында өтті. Халықаралық қазылар алқасының шешімімен «Jańa Dala / Green Day ‘2024» «Ең күшті бұқа» номинациясында Qazaq Аqbas қазақтың ақбас тұқымының республикалық тұқымын көпшілікке ұсынған Абай облысындағы «Дәурен» шаруа қожалығының Шомбал атты бұқасы жүлде иегері болды. Шомбалдың салмағы 598 кг, туған кездегі салмағы 26 кг болған. 

Қазақстан жаңалықтары

Заира Сабитова

21 шілде 2024

Ақмола облысында АН-2 ұшағы жанып кетті

Ақмола облысында Жарқайың ауданында АН-2 ұшағы өртеніп кетті. Ақмола облысы ТЖД баспасөз қызметінің мәліметінше, оқиға бүгін Державинск қаласынан 10 шақырым жерде болған. 

Қазақстан жаңалықтары

Заира Сабитова

21 шілде 2024

Астанадан Моңғолияға бара жатқан автобус өртеніп кетті

Астана-Баян-Өлгий бағытында келе жатып өртенген автобуста қазақстандықтар зардап шеккен жоқ. Төтенше жағдайлар министрлігінің Алтай Республикасы бойынша бас басқармасының мәліметінше, өртенген автобустың барлық жолаушысы Қазақстан азаматтары болған. Олар кеше Ресей-Моңғолия шекарасын кесіп өтіп, көлік компаниясы берген қосымша автобуспен Баян-Өлгийге сапарын жалғастырды. 

Қазақстан жаңалықтары

Заира Сабитова

21 шілде 2024

Тасқын: Ақтөбе облысында 35 отбасы баспаналы болды

Ақтөбе облысының Ырғыз ауданында тасқын судан зардап шеккен 35 отбасы баспаналы болды. «Ырғыз ауданында көктемгі су тасқынынан зардап шеккен тұрғындарға қолдау көрсетіліп жатыр. Материалдық және әлеуметтік төлем төленіп, жаңа үйлер салынып жатыр, сондай-ақ, тұрғындар келісіміне сәйкес, өздері қалаған тұрғын үйді сатып ала алады. Бүгінгі күні 35 отбасы қоныстойын тойлады, 125 отбасы жаңа салынып жатқан үйлеріне көшеді», — делінген хабарламада.Нұра ауылының зейнеткер тұрғындары Нұрабек Бекназаров және Қымбат Баймұратова аудан орталығынан баспаналы болды. 

Қазақстан жаңалықтары

Заира Сабитова

21 шілде 2024

Қылмысқа куә болған балаларға көмек көрсетіледі

Оқу-ағарту министрлігі өңірлерде зорлық-зомбылықтан зардап шеккен балаларға көмектесетін бағдарлама енгізіле бастағанын хабарлады. Бағдарламаның мақсаты − зорлық-зомбылыққа, қатыгездікке, буллингке ұшыраған, сондай-ақ қылмысқа куә болған балаларға кешенді көмек көрсету. Бағдарлама балалардың эмоциялық, когнитивтік және мінез-құлқындағы салдарларды еңсеру.